Weck, Worscht un Woi

Pfälzer Lyrik: Sebastian Deuber (2015)
Original: Status Quo - Rockin' All Over The World (1977)

Bei Pfälzer Dialekt-Musig des is wirklich bleed
Do sinn jo die Theme eher rar gesäht
un drum geht's halt meischdens nur um Weck, Worscht un Woi

Isch hab die Szene intensiv analysiert
un hab rausgefunne was 'd Leit so interessiert
un des isch halt unnerm Strisch nur Weck, Worscht un Woi

Un drum sing isch eisch heit, weil des wollen die Leit
gar kenn Text mit Niveau iwwer Liewe unn so
sondern äfach ebbes iwwer Weck, Worscht un Woi

Doi Mudder saacht du wärscht aus em ganz annere Holz
Uff doi Kulturalität isse wirklisch gonz stolz
doch ach dir geht's in Wirklischkeit um Weck, Worscht un Woi

Un drum sing isch eisch heit, weil des wollen die Leit
gar kenn Text mit Niveau iwwer Liewe unn so
sondern äfach ebbes iwwer Weck, Worscht un Woi